ਦਫਤਰ ਜ਼ਿਲ੍ਹਾ ਲੋਕ ਸੰਪਰਕ ਅਫਸਰ ਕਪੂਰਥਲਾ ਰਾਜ ਚੋਣ ਕਮਿਸ਼ਨ ਵੱਲੋਂ ਫਗਵਾੜਾ ਨਗਰ ਨਿਗਮ ਚੋਣਾਂ ਲਈ ਵੋਟਰ ਸੂਚੀਆਂ ਦੀ ਸੁਧਾਈ ਦਾ ਪ੍ਰੋਗਰਾਮ ਜਾਰੀ

ਫਗਵਾੜਾ , 18 ਨਵੰਬਰ ( ਸੁਸ਼ੀਲ ਸ਼ਰਮਾ )

ਰਾਜ ਚੋਣ ਕਮਿਸ਼ਨ ਵੱਲੋਂ ਫਗਵਾੜਾ ਨਗਰ ਨਿਗਮ ਚੋਣਾਂ ਲਈ ਵੋਟਰ ਸੂਚੀਆਂ ਦੀ ਸੁਧਾਈ ਦਾ ਪ੍ਰੋਗਰਾਮ ਜਾਰੀ ਕਰ ਦਿੱਤਾ ਗਿਆ ਹੈ । ਕਮਿਸ਼ਨ ਵੱਲੋਂ ਜਾਰੀ ਪ੍ਰੋਗਰਾਮ ਅਨੁਸਾਰ 19 ਨਵੰਬਰ ਨੂੰ ਮੁੱਢਲੇ ਖਰੜੇ ਦੀ ਪ੍ਰਕਾਸ਼ਨਾ ਹੋਵੇਗੀ ਜਦਕਿ 20 ਨਵੰਬਰ ਤੋਂ 26 ਨਵੰਬਰ ਤੱਕ ਲੋਕ ਦਾਅਵੇ ਤੇ ਇਤਰਾਜ ਦੇ ਸਕਣਗੇ ।

ਇਸ ਤੋਂ ਇਲ਼ਾਵਾ ਲੋਕਾਂ ਦੀ ਸਹੂਲਤ ਲਈ 21,22 ਨਵੰਬਰ ਨੂੰ ਨਗਰ ਨਿਗਮ ਫਗਵਾੜਾ ਵਿਖੇ ਵਿਸ਼ੇਸ਼ ਕੈਂਪ ਲਗਾਕੇ ਦਾਅਵੇ ਤੇ ਇਤਰਾਜ ਪ੍ਰਾਪਤ ਕੀਤੇ ਜਾਣਗੇ ।

ਦਾਅਵੇ ਤੇ ਇਤਰਾਜ਼ਾਂ ਦਾ ਨਿਪਟਾਰਾ 4 ਦਸੰਬਰ ਨੂੰ ਹੋਵੇਗਾ ਜਦਕਿ 7 ਦਸੰਬਰ ਨੂੰ ਵੋਟਰ ਸੂਚੀਆਂ ਦੀ ਅੰਤਿਮ ਪ੍ਰਕਾ਼ਸ਼ਨਾ ਹੋਵੇਗੀ ।

ਇਨਾਂ ਚੋਣਾਂ ਲਈ ਚੋਣਕਾਰ ਰਜਿਸਟ੍ਰੇਸ਼ਨ ਅਫ਼ਸਰਾਂ ਤੇ ਸਹਾਇਕ ਚੋਣਕਾਰ ਰਜਿਸਟ੍ਰੇਸ਼ਨ ਅਫ਼ਸਰਾਂ ਦੀ ਤਾਇਨਾਤੀ ਵੀ ਕੀਤੀ ਗਈ ਹੈ ।

ਵਾਰਡ ਨੰਬਰ 1 ਤੋਂ 10 ਲਈ ਡਿਪਟੀ ਰਜਿਸਟਰਾਰ , ਸਹਿਕਾਰੀ ਸਭਾਵਾਂ ਕਪੂਰਥਲਾ ਚੋਣਕਾਰ ਰਜਿਸਟ੍ਰੇਸ਼ਨ ਅਫਸਰ ਹੋਣਗੇ ਜਦਕਿ ਸਹਾਇਕ ਰਜਿਸਟਰਾਰ ਸਹਿਕਾਰੀ ਸਭਾਵਾਂ ਫਗਵਾੜਾ ਸਹਾਇਕ ਚੋਣਕਾਰ ਰਜਿਸਟ੍ਰੇਸ਼ਨ ਅਫਸਰ ਹੋਣਗੇ ।

ਵਾਰਡ ਨੰਬਰ 11 ਤੋਂ 20 ਲਈ ਖੇਤੀਬਾੜੀ ਅਫਸਰ ਨੂੰ ਈ ਆਰ ਓ ਤੇ ਭੂਮੀ ਸੰਭਾਲ ਅਫਸਰ ਫਗਵਾੜਾ ਨੂੰ ਏ.ਈ.ਆਰ.ਓ . ਤਾਇਨਾਤ ਕੀਤਾ ਗਿਆ ਹੈ ।

ਇਸੇ ਤਰ੍ਹਾਂ ਵਾਰਡ ਨੰਬਰ 21 ਤੋਂ 30 ਲਈ ਕਾਰਜਕਾਰੀ ਇੰਜੀ ਪੀ.ਡਬਲਿਊ.ਡੀ ( ਬੀ ਐੰਡ ਆਰ ) ਡਵੀਜ਼ਨ ਨੰਬਰ 2 ਕਪੂਰਥਲਾ ਨੂੰ ਈ. ਆਰ.ਓ ਜਦਕਿ ਐਸ.ਡੀ.ਓ , ਪੀ.ਡਬਲਿਊ. ਡੀ ( ਬੀ ਐੰਡ ਆਰ ) ਡਵੀਜ਼ਨ ਨੰਬਰ 2 ਫਗਵਾੜਾ ਨੂੰ ਏ.ਈ.ਆਰ.ਓ. ਤਾਇਨਾਤ ਕੀਤਾ ਗਿਆ ਹੈ ।

ਵਾਰਡ ਨੰਬਰ 31 ਤੋਂ 40 ਤੱਕ ਐਸ.ਡੀ.ਓ ਰੂਰਲ ਵਾਟਰ ਸਪਲਾਈ ਤੇ ਸੈਨੀਟੇਸ਼ਨ ਫਗਵਾੜਾ ਨੂੰ ਈ ਆਰ ਓ ਤੇ ਜੇ. ਈ. ਰੂਰਲ ਵਾਟਰ ਸਪਲਾਈ ਤੇ ਸੈਨੀਟੇਸ਼ਨ ਫਗਵਾੜਾ ਨੂੰ ਏ. ਈ. ਆਰ. ਓ ਲਗਾਇਆ ਗਿਆ ਹੈ ।

ਇਸੇ ਤਰ੍ਹਾਂ ਵਾਰਡ ਨੰਬਰ 41 ਤੋਂ 50 ਲਈ ਐਸ ਡੀ ਐਮ ਫਗਵਾੜਾ ਨੂੰ ਈ.ਆਰ. ਓ ਤੇ ਤਹਿਸੀਲਦਾਰ ਫਗਵਾੜਾ ਨੂੰ ਏ. ਈ.ਆਰ. ਓ ਲਗਾਇਆ ਗਿਆ ਹੈ ।